Monday, 17th December, 2018
siddhi-binayak-madhyastha-1502267497.gif

सम्पादकीय

जनप्रतिनिधी इमान्दारीपूर्वक लागून्


प्रदेशको राजधानी रहेको मकवानपुरको हेटौंडालाई प्रदेशको स्थायी राजधानीकायमगर्नुपर्छ भन्ने माग मकवानपुरका सरोकारवाला सबैको छ । मकवानपुरले मुख्यमन्त्री पाएको प्रदेशको अस्थायी राजधानी हेटौंडा तोकिनु आफैंमा खुशीको कुरा थियो । मकवानपुरले पाएको यो अवसर अब गुमाउन पनि चाहादैन । तर, मकवानपुरले चाहेरमात्र पनि प्रदेशको स्थायी राजधानी हेटौंडा रहिरहने होइन । दुई तिहाईको सवाल छ, सांसदको अङ्क गणितको सवाल छ प्रदेश राजधानी स्थायी रुपमा कहाँ कायम गर्ने भन्नेमा । भूगोलका हिसाबमा हेटौंडा अपायक पर्छ भनेर राजधानी सार्ने विषयमा प्रदेश सरकारका भौतिक पूर्वाधार मन्त्री केशव स्थापितले सार्वजनिक ठाउँमा बोल्दै हिडिरहेका छन् । स्थापित हेटौंडामा कुनै पनि हालतमा राजधानी राख्ने पक्षमा नरहेको बुझिन्छ भने वाम गठबन्धनका अन्य नेतापनि हेटौंडाबाट सार्ने पक्षमा रहेको अनौपचारिक कुराकानीहरुबाट थाहा पाउँन सकिन्छ । तर मुख्यमन्त्री डोरमणि पौडेल राजधानी हेटौंडालाई नै कायम गर्नुपर्छ भन्नेमा छन् भन्ने बुझिन्छ । राजधानी स्थायी बनाउँने सवालमा कसको के कस्तो भूमिका हुन्छ भोलिको दिनमा पक्कै मकवानपुरका जनताले थाहा पाउँने नै छन् । प्रदेश राजधानी तोकिइ सकिएको हेटौंडाको विकासका लागि भने अब सबै सरकारले ध्यान दिनु आवश्यक छ । स्थानीय, प्रदेश तथा संघीय सरकारले हेटौंडा विकासको सवालमा ध्यान दिइनुपर्छ ।
मकवानपुरमा विशेषगरी स्वास्थ्यको सवाल गम्भीर छ । सरकारी हेटौंडा अस्पतालले सामान्य भन्दा सामान्य उपचार सेवा नदिँदा नागरिकको अस्पतालप्रति विश्वास कमै छ । अस्पतालले प्रभावकारी सेवा नदिँदा व्यङ्ग्य गरेर अस्पताललाई ‘रिफर सेन्टर’भन्ने गरिएको छ । हेटौंडाको यो अस्पताललाई उपयुक्त विकास गर्नु अहिलेको आवश्यकता हो । भरतपुर अथवा काठमाडौंको जस्तो स्वास्थ्य सेवा प्रदान गर्ने गरी हेटौंडामा स्वास्थ्य सेवादिने स्वास्थ्य संस्थाआवश्यक छ । हुन त मुख्यमन्त्रीले आफ्ना भनाई राख्ने क्रममा हेटौंडामा स्वास्थ्य सेवाको विकास गर्ने योजना रहेका बताएका छन् । राजनीतिक दलहरुले पनि भन्ने गर्छन्, जनताका बिचमा जाँदा । तर साँच्चै योजना सुनाउँनु र व्यवहारमा उतार्नु फरक कुरा हो । मकवानपुरमा गतिलो स्वास्थ्य सेवा नभएको विगत लामो समयदेखि गुनासो आइरहेको पनि छ । मेडिकल कलेज स्थापना गर्ने विषयमा पनि प्रदेश सरकारले ध्यान दिनुपर्छ । यसका साथै हेटौंडामा चर्चाको विषय रहेको २५ मिटरको निकासका विषयमा पनि सबै तहको सरकारले इमान्दारीपूर्वक निर्णय लिनुपर्छ । अब सडक विस्तारको पक्षमा प्रदेश सरकार लाग्नुपर्छ । विकासका पूर्वाधार सडकको विकास हुन सकेन भने हामी विकासको गतिबाट पछाडी हट्छौं । यस कारण हेटौंडालाई पछिसम्म जोगाइराख्न र विकास गर्नका लागि सडक विस्तार तत्काल गर्नुपर्ने हुन्छ । अनि हेटौंडामा शिक्षाको विकासका लागि प्रदेश सरकारले विशेष भूमिका निर्वाह गर्नुपर्छ । मकवानपुरमा बेलाबेलामा शिक्षाका सवालमा हुने बहसमा हेटौंडालाई शैक्षिक हब बनाउने कुरा उठ्छ तर जतिपनि कुरा उठ्छ तर केवल कार्यक्रममा मात्र सिमित भइरहेका छन् । शिक्षा क्षेत्रका सबै सरोकारवाला प्रतिबद्ध भएर हेटौंडालाई शिक्षाको क्षेत्रमा पनि अब अगाडी बढाउन भूमिका निर्वाह गर्नुपर्छ ।
हेटौंडा प्रदेश राजधानी भयो । स्थायी कायम गर्ने सवालमा प्रकृयामा जाला, आफ्नो ठाउँमा छ । तर विकासको गतिबाट भने हेटौंडा पछाडी छ । मुख्यमन्त्री र राजधानी पाइयो भनेर मख्ख परेर बस्नुको कुनै अर्थ रहन्न । जबसम्म विकासको गतिले फड्को मार्दैन, तबसम्म मकवानपुरे नागरिकको जीवनशैलीमा कुनै परिवर्तन आएको अनुभूत हुदैन । देशमा शासन गर्ने शासक फेरिए,अवसर पाउँने नेताले मात्र भइरहेको छ । जनताले प्रत्यक्ष लाभ हुने के पाए त खै ? जनताले प्रत्यक्ष अनुभूत गर्ने भनेको विकास र आफ्नो जीवनशैली परिवर्तनबाट हो । शिक्षित बेरोजगारको जमातले समस्या झेलिरहेको समाजमा केवल नेता स्वरोजगार हुने खालका क्रियाकलाप मात्र बढी भइरहेको सामान्य नागरिकलाई लागिरहेको छ । यो सही कुरा पनिहो, किनभने संघीय गणतन्त्र पाइयो भनेर मख्ख परेर मात्र हुदैन । अब विकास तथा समृद्धिका लागि जाग्ने बेला आएको छ । प्रदेश राजधानी भइसकेको मकवानपुरको अब हरेक क्षेत्रमा तिब्र विकास हुनुपर्छ । जनताको काम आफूलाई मन परेको मन परेको नेतालाई जिताउँनु थियो, मतदिएर जिताइ दिएका छन् । अब व्यक्तिगत स्वार्थ अनि पार्टी आदेश भन्दा माथि रहेर आफ्ना मतदाताको हित सोचेर इमान्दारिपूर्वक भूमिका निर्वाह गर्नका लागि मकवानपुरबाट प्रतिनिधीत्व गरेका जन प्रतिनिधी लागुन्

 

final-boys-and-girls-host-1499435564.gif
20561725_1432833100103454-1501578658.png
ncell1140-1502212343.gif


himal-dental-clinic-1500888499.gif
hetauda-city-college-1502267218.gif
churiyamai-fashion-link-1502512433.gif
ClubWSP-1499412212.gif
घर निर्माणमा आर्थिक सहयोग पाउँदाको खुशी 
news-pic-mailimaya-shikha-1544106721.jpg

मकवानपुर। मकवानपुरको बकैया गाउँपालिका वडा नम्बर ८,शिखरपुर,कैजलेकी माइलीमाया बोम्जन एकल महिला हुन् । नेपालमा...

धमाधम बनाइदै बाल संरक्षण नीति 
indrasarobar-news-1544104418.jpg

मकवानपुर । मकवानपुरका विभिन्न गाउँपालिकामा बालमैत्री स्थानीय शासनका लागि आवश्यक पर्ने बाल संरक्षण नीति...

शिक्षकलाई मुख्यमन्त्री पौडेलको यस्तो आग्रह 
paudel-1543858468.JPG

मकवानपुर । उच्चस्तरीय राष्ट्रिय शिक्षा आयोगले हेटौँडामा आयोजना गरेको सुझाव सङ्कलन कार्यशालामा प्रदेश ३ का देश...

हेटौंडामा राष्ट्रिय भेट्रान्स एट ए साईड फुटबलको तयारी
bhetrans-hune-1543856833.jpg

मकवानपुर । मकवानपुरको हेटौंडामा राष्ट्रिय भेट्रान्स एट ए साईड फुटबल प्रतियोगिताको तयारी गरिएको छ ।  हेटौंडा...

सृङ्खलाले जितिन् मल्टिमिडिया अवार्ड, अन्तिम ३० मा सुरक्षित 
srinkhala-1543854676.jpg

मकवानपुर । मकवानपुरे चेली मिस वर्ल्ड २०१८ मा प्रतिस्पर्धा गरिरहेकी श्रृंखला खतिवडाले मल्टिमिडिया अवार्ड...

हेटौंडा स्थायी राजधानी हुने-नहुने टुङ्गो भोटिङबाट  
rajdhani-meeting-1543852627.jpg

मकवानपुर । मकवानपुरको हेटौंडा प्रदेश ३ को स्थायी राजधानी हुने वा नहुने टुङ्गो भोटिङबाट हुने भएको छ । प्रदेश...

लैङ्गिक हिंसा विरुद्दको अभियान अन्तर्गत बक्तृत्वकला 
baktritwakala-1543849257.jpg

मकवानपुर । लैङ्गिकहिंसा विरुद्दको १६ दिने अभियान अन्तर्गत आज मकवानपुरको हेटौंडामा बक्तृत्वकला प्रतियोगिता...

एफसी हर्कटिनले जित्यो उपाधि 
oda-goldcup-bakaiya-5-1543846985.jpg

मकवानपुर । मकवानपुरको बकैया गाउँपालिका वडा नम्बर ५ जुरेलीमा आज सम्पन्न वडा ५ गोल्ड कप फुटबलको उपाधि एफसी...

मकवानपुरमा तरुणदलद्वारा सरकारको विरोध 
tarundal-gyapanpatra-news-1543844200.png

मकवानपुर । नेपाल तरुण दल मकवानपुर केपी शर्मा ओली सरकार विरुद्द उत्रिएको छ । दल मकवानपुरले आज (सोमबार) मकवानपुरको...

राजदेवी माविमा देखाइयो वृतचित्र 
tol-bikas-news-pic-1543843006.jpg

मकवानपुर । महिला हिंसा विरुद्दको १६ दिने अभियान नोभेम्बर २५ तारिखबाट यही डिसेम्बर १० तारिखसम्म नेपालमा जारी छ ।...

kingsman-1503123179.gif
get_img-1502212982.gif
missssssssssssssss-1502692855.jpg