Thursday, 24th January, 2019
siddhi-binayak-madhyastha-1502267497.gif

समाचार

बाल विवाहमुक्त प्रदेश बनाउँन सरोकारवालाको प्रतिबद्दता
सबैको भूमिका अपरिहार्य 

bal-biwaha-pic-1528521341.jpg

मकवानपुर । प्रदेश ३ सरकारले आगामी २०७८ सालभित्र बाल विवाहमुक्त प्रदेश बनाउन लिएका लक्ष्यलाई सफल बनाउन आवश्यक कार्ययोजना सहित सरोकारवालाहरुले सघाउ पुर्याउनुपर्नेमा जोड दिइएको छ । मकवानपुरको हेटौंडामा बाल कल्याण समाज मकवानपुरले बालिका दुलही होइनन्,राष्ट्रिय सञ्जाल नेपालको सहयोगमा शुक्रबार आयोजना गरेको ‘बाल विवाह अन्त्यका लागि प्रदेश स्तरिय नीतिगत छलफल कार्यक्रम’ मा सहभागी सरोकारवालाले यस्तो जोड दिएका हुन् । 
कार्यक्रममा प्रदेश ३ का सांसद जुनेली श्रेष्ठले बाल विवाह अन्त्य हुनुपर्ने आवाज लामो समय देखि उठिरहे पनि नीतिगत रुपमा कार्ययोजना बनाएर प्रदेश सरकार अघि बढेकाले अब सार्थकता पाउँने विश्वास व्यक्त गरिन् । ‘आगामी तीन वर्षभित्र प्रदेश ३ लाई बाल विवाहमुक्त बनाउँने अभियानमा प्रदेश सरकार छ ।’ उनले भनिन्, ‘प्रदेश सरकारले अघि बढाएको यो महत्वपूर्ण नीति तथा कार्यक्रमलाई सफल बनाउँन सबै पक्ष जिम्मेवार हुनु आवश्यक छ । ’सरकारले अघि सारेको ‘सुखी नेपाली, समृद्घ नेपाल’ को नारा लाई सार्थकता दिनका लागि पनि बाल विवाह अन्त्य गर्न सरोकारवालाहरुका साझा कार्यक्रम आउँनुपर्नेमा उनको जोड छ । 
सांसद श्रेष्ठले पछिल्लो समय नेपालमा बढ्दो सूचना प्रविधिको विकासका कारण पनि बाल विवाह हुने गरेको बताउँदै अब जनप्रतिनिधी,सरकारी एवम् गैरसरकारी संघसंस्थाका प्रतिनिधी लगायत सरोकारवाला योजनाबद्घ रुपमा लागेमा प्रदेश सरकारले अघि सारेको तीन वर्षभित्र बालविवाह अन्त्य गर्ने लक्ष्य पूरा हुने बताइन् । 
जिल्ला समन्वय समिति मकवानपुरका प्रमुख रघुनाथ खुलालले मुलुकको समृद्घि र उन्नतीका लागि विभिन्न सामाजिक समस्याहरु अन्त्य गरिनुपर्नेमा जोड दिदैं बालविवाह अन्त्य गर्न सकिए विकासको गतिले फड्को मार्ने धारणा राखे । ‘बालविवाहका कारण व्यक्ति, परिवार, समाज तथा राष्ट्रमै विभिन्न समस्या आइपर्छन् ।’ प्रमुख खुलालले भने,‘सिंहदरबारको अधिकार अब घरदैलोमा आइपुगेको छ बालविवाह जस्ता सामाजिक अपराध अन्त्य गर्ने सवालमा सरकारलाई सबै मिलेर सघाउनुपर्दछ ।’ प्रमुख खुलालले बाल विवाह अन्त्य गर्ने साझा सवालमा गैससहरुले खेलिरहेको भूमिका प्रभावकारी बनेको बताए । ‘ बालकल्याण समाज मकवानपुर जस्ता समाजका नमूनालायक गैससको भूमिका बाल विवाह अन्त्यका लागि प्रभावकारी छ । ’ उनले भने,‘अरु सामाजिक अभियानमा लागिपरेका गैससहरुले पनि बालविवाह अन्त्य गर्ने सवालमा एक जुट भएर अघि बढ्नु आवश्यक छ । ’ 
कार्यक्रममा सामाजिक विकास मन्त्रालयका निमित्त सचिव शम्भुप्रसाद भट्टराईले बालविवाह अन्त्यका लागि मन्त्रालयले सामाजिक जागरणको काम गरिरहेको जानकारी दिए । गरिबी, अशिक्षा, बेरोजगारी लगायत समस्याका कारण पनि वाल विवाह भइरहेकाले समाजमा जागरणको काम आवश्यक रहेको बताए । 
केन्द्रिय बाल कल्याण समितिका कार्यकारी निर्देशक तारक धितालले नेपाल सरकारले सन् २०३० भित्र नेपालमा बाल विवाह अन्त्य गर्ने नीति लिएकाले सरकारको लक्ष्य सफल बनाउँन बालअधिकारका क्षेत्रमा क्रियाशील संघसंस्थाहरुको पनि साथ आवश्यक भएको बताए ।  
बाल कल्याण समाज मकवानपुरका जिल्ला कार्यक्रम संयोजक प्रकाश खतिवडाको अध्यक्षतामा भएको कार्यक्रममा बालविवाह विरुद्घ सकारको रणनीतिक योजनाका विषयमा बालिका दुलही होइनन्, राष्ट्रिय सञ्जाल नेपालका केन्द्रिय सदस्य अजित आचार्य, मकवानपुर लगायत १४ जिल्लामा बाल विवाहका सम्बन्धमा गरिएको सर्वेक्षणका विषयमा बाल अधिकारकर्मी सुशीलराज गिरी, मकवानपुरमा बाल विवाहको अवस्थाका विषयमा नेपाल पत्रकार महासंघ प्रदेश ३ का अध्यक्ष प्रताप विष्टले प्रस्तुतीकरण गरेका थिए । 
प्रदेशस्तरिय नीतिगत छलफल कार्यक्रममा सामाजिक विकास मन्त्रालयका महिला विकास अधिकृत दुर्गा घिमीरे, शिक्षा विकास तथा समन्वय इकाई प्रमुख कृष्ण घिमीरे, नेपाल पत्रकार महासंघ मकवानपुर अध्यक्ष हरि हुमागाईं, केन्द्रिय बाल कल्याण समितिका सदस्य निशा न्यौपाने, केन्द्रिय बालकल्याण समितिका मिठु आचार्य, सिविन बाल हेल्पलाइन हेटौंडाका कार्यक्रम संयोजक भविन्द्र ज्ञवाली, जिल्ला प्रहरी कार्यालय मकवानपुरका प्रकाश श्रीमल, समृद्घ समाज दैनिकका सम्पादक सुरेश श्रेष्ठ लगायतले प्रदेश सरकारले २०७५ साल भित्र बाल विवाह अन्त्य गर्ने महत्वकांक्षी लक्ष्य पूरा गर्न सबै सरोकारवाला जिम्मेवार भएर लागिपर्नुपर्ने बताए । 
कार्यक्रम आयोजक बाल कल्याण समाज मकवानपुरका जिल्ला कार्यक्रम संयोजक प्रकाश खतिवडाले बाल विवाह अन्त्यका लागि बालिका दुलही होइनन्, राष्ट्रिय सञ्जालसंग सहकार्य गरेर विभिन्न अभियान सञ्चालन गरिएको जानकारी दिए । 

 
 

final-boys-and-girls-host-1499435564.gif
20561725_1432833100103454-1501578658.png
ncell1140-1502212343.gif


himal-dental-clinic-1500888499.gif
hetauda-city-college-1502267218.gif
churiyamai-fashion-link-1502512433.gif
ClubWSP-1499412212.gif
बकैयाका युवा विद्यार्थीलाई वित्तिय साक्षरता 
studen-y-flt-1545137018.jpg

मकवानपुर । मकवानपुरको बकैया गाउँपालिकाका युवा विद्यार्थीलाई वित्तिय साक्षरता कार्यक्रम सुरु गरिएको छ ।...

घर निर्माणमा आर्थिक सहयोग पाउँदाको खुशी 
news-pic-mailimaya-shikha-1544106721.jpg

मकवानपुर। मकवानपुरको बकैया गाउँपालिका वडा नम्बर ८,शिखरपुर,कैजलेकी माइलीमाया बोम्जन एकल महिला हुन् । नेपालमा...

धमाधम बनाइदै बाल संरक्षण नीति 
indrasarobar-news-1544104418.jpg

मकवानपुर । मकवानपुरका विभिन्न गाउँपालिकामा बालमैत्री स्थानीय शासनका लागि आवश्यक पर्ने बाल संरक्षण नीति...

शिक्षकलाई मुख्यमन्त्री पौडेलको यस्तो आग्रह 
paudel-1543858468.JPG

मकवानपुर । उच्चस्तरीय राष्ट्रिय शिक्षा आयोगले हेटौँडामा आयोजना गरेको सुझाव सङ्कलन कार्यशालामा प्रदेश ३ का देश...

हेटौंडामा राष्ट्रिय भेट्रान्स एट ए साईड फुटबलको तयारी
bhetrans-hune-1543856833.jpg

मकवानपुर । मकवानपुरको हेटौंडामा राष्ट्रिय भेट्रान्स एट ए साईड फुटबल प्रतियोगिताको तयारी गरिएको छ ।  हेटौंडा...

सृङ्खलाले जितिन् मल्टिमिडिया अवार्ड, अन्तिम ३० मा सुरक्षित 
srinkhala-1543854676.jpg

मकवानपुर । मकवानपुरे चेली मिस वर्ल्ड २०१८ मा प्रतिस्पर्धा गरिरहेकी श्रृंखला खतिवडाले मल्टिमिडिया अवार्ड...

हेटौंडा स्थायी राजधानी हुने-नहुने टुङ्गो भोटिङबाट  
rajdhani-meeting-1543852627.jpg

मकवानपुर । मकवानपुरको हेटौंडा प्रदेश ३ को स्थायी राजधानी हुने वा नहुने टुङ्गो भोटिङबाट हुने भएको छ । प्रदेश...

लैङ्गिक हिंसा विरुद्दको अभियान अन्तर्गत बक्तृत्वकला 
baktritwakala-1543849257.jpg

मकवानपुर । लैङ्गिकहिंसा विरुद्दको १६ दिने अभियान अन्तर्गत आज मकवानपुरको हेटौंडामा बक्तृत्वकला प्रतियोगिता...

एफसी हर्कटिनले जित्यो उपाधि 
oda-goldcup-bakaiya-5-1543846985.jpg

मकवानपुर । मकवानपुरको बकैया गाउँपालिका वडा नम्बर ५ जुरेलीमा आज सम्पन्न वडा ५ गोल्ड कप फुटबलको उपाधि एफसी...

मकवानपुरमा तरुणदलद्वारा सरकारको विरोध 
tarundal-gyapanpatra-news-1543844200.png

मकवानपुर । नेपाल तरुण दल मकवानपुर केपी शर्मा ओली सरकार विरुद्द उत्रिएको छ । दल मकवानपुरले आज (सोमबार) मकवानपुरको...

kingsman-1503123179.gif
get_img-1502212982.gif
missssssssssssssss-1502692855.jpg